Fir Bhi... Mai chal rha hu...

Khet ki pagdandiyo pe..

kuch kaanch k tukde pade they..

Fir bhi... mai chal raha tha..

Mai chal raha tha kyuki..

Aur koi raasta nahi tha..

Aur mujh akele se..

Kisi aur ka waasta nhi tha..

Aur ab prashn hai k, hu mai kaun??

Mai Gerua hu, ya harit, ya koi aur..

Mai bramhan hu, ya dalit, ya koi aur..

Uttar nahi hai ab kahi bhi.

Fir bhi... mai chal raha hu..

Aur prashn ye bhi hai k ja raha hu mai kaha?

Chalte Chalte vichar mai kya la raha??

Mai ugrvaad, aatankwaad ka pujari..

Ya koi badlaav ka geet ga raha hu..

Ab kahi koi bhi uttar nahi hai..

Fir bhi.. Mai bas akela he chala ja raha hu..

aur ab bhi...

Khet ki pagdadiyo pe..

Kuch kaanch k tukde pade hai..

Fir bhi mai unpe.. chalta chala ja raha hu...

Poora Aangan

Us rimjhim rimjhim saawan me

Wo bheeg rahi nanhi Kaajal

Uski thirkan ki aahat pe

Ab Gunj raha Poora aangan

Poora Aangan.....

Yahi kaha tha dadi maa ne

Kaajal jab is jag ayi thi

Fir Saawan sang uske naina barse

Aisi Wipda kya aayi thi???

Poora Aangan....

Jab poora hai ye aangan

To fir kyu isey soona karte ho??

Mujhe rehna hai isi aagan me

Paraya Dhan mujhe kyu kehte ho??

Roti hui boli Kaajal....

Dadi kaisi ye reet purani hai??

Jab poora hai aangan tera

Fir beti kyu bida karani hai??

Jab sab khush hai, sabko sukh hai

Fir bhi beti he, kyu hai pisti??

Kyu beti he hoti hai bida??

Kyu har dam wo he hai ghisti??

Kuch achraj si muskan liye

Kehti hai kar do mera vinaash

Kaajal ke jaane se shayad

Ho jaye koi nav-uday prakash

Ab kar do mera kanyadaan

Ab tod do mujhse har bandhan

Fir na kehna beti ko kabhi k

kar diya............

................................... Poora Aangan.

SAMETTI HU....

Sametti hu....
Kuch bhuli bisri yaadien...
Wo chandan van aur kaanha mera...
Mera jeevan aur saaya mera...
Sang uske kasme khayi thi...
Jee bhar k gale lagayi thi...
Uski aankhon me vishwaas...
Mere nayan me aasha...
Maine kuch yu ummeed lagayi thi...

Par....
Aasha to bas aasha hai...
Aur uske sang nirasha hai...
Sab bhul gaye...
Koi baat nahi...
Fir bhi...
Sametti hu..
Kuch bhuli bisri yaadein...
Wo chandan van aur kaanha mera.....

RAIT AUR SAAHIL....

Rait aur saahil kehne ko to sang hai..
Lekin aj unme koi baat to hui hai..
Koi rang to uda hai..
Koi raat to hui hai..

Hai dil me dono k kayi shikwe aur gile bhi..
Andaaz me bhi unke kai dooriya hai baithi..
Kuch galatfehmiya hai..
Koi ranjish to hui hai..

Aj lehrein bechain hai..
Aur rait bhi udi hai..
Aj inke darmiyaan..
Koi jung bhi chidi hai..

Lekin ye tum batao,
Kya hoga ab nateeja..
Jinko hai sang rehna..
Kab tak rahenge ruswa??
Koi raasta to hoga..
Jab baat yu bigdi hai..

Kab tak rahenge dono aise juda yu bekal..
Jab hai ye khud adhure ek dusre bin dono..
Wo rait jaise banzar jise saahil na milega..
Aur wo saahil kya rahega jaha rait he na hogi..

Zara gaur karo yaaro..
Kya hai koi bhi matlab..
Ab kya milega sabko..
Ek dusre k bin ab..

Kyu toot rahe ho tum..
Kyu khaul rahe ho tum..
Hai waqt ab bhi samjho..
Koshish karo ab dil se..
Ek khubsurat lamha..
Ek khusnuma sa manzar..
Wo laut aye fir se..
Wo laut aye fir se..
Us rait aur saahil ko milne do ab fir se..

KOI JAANE WALA HAI........

(Its something that your heart feels, when your best buddy departs....)

Koi jaane wala hai....

Koi hai jo bahut mehboob hai dil ko...

Koi hai jo bahut azeez hai dil ko...

Kisi k aane se fiza me bahar ayi thi...

Kisi k aahat pe zindagi naye rang layi thi...

Sab khushnuma hai fir bhi...

Koi jaane wala hai...

Hai rehnuma wo fir bhi...

Wo jaane wala hai...

Kahi dil k kaajal tale ek deep jala tha...

Kahi roshan hui aankhien...

Kahi koi phool khila tha...

Kabhi rangeen nazara...

Kabhi jagne ka bahana...

Kisi k dil me mera har ghadi rehna aur satana...

Jaise gumnaam musafir ko uski manzil se milana...

Hai sab kuch mere paas...

Lekin koi jaane wala hai...

Hai mera rehnuma wo fir bhi...

Wo door jane wala hai...

FASHION....

Kuch saal pehle beti, maa se ye puch baithi..
Maa skirt pehen lu kya, agar ho tumhari marzi..
Turant maa gussayi, sakhti se ye farmayi..
Salike se pehen tu kapde, ab jawan tu ho aayi..

Aaj fir se ek beti, maa se ye puchti hai..
Maa skirt pehenne me kya koi kharabi hai??
Par aj maa ghabrai, ghabrate hue farmayi..
Kuch bhi pehen le beti, izzat pe hai ab aayi..

Dosto ye zamana ab modern ho gaya hai..
Kam kapdo me jo ghume shohrat wahi paya hai..
Kisse to bahut honge zara gaur farmaye to..
Ek actress ka kissa, mujhko bahut bhaya hai..

Ek baar ek adakaara (actress) pahuchi hawaai adda..
Saaman kki checking me khada tha mooch-tanda..
Checking hui saaman ki ba-shaur o ba-izzat..
Par shak k dayre me tha, maachis ka ek dabba..

jab poocha gaya unse isme kya pada hai??
Bahut raub se wo boli, isme mera kapda hai..
Sab sun k bahut chauke, bhai ye kya maazra hai..
Wo muskurayi, boli, yaar modern zamana hai..

Par gaur farmaye to ek baat dil me aati hai..
Kam kapdo se kya duniya modern ho jati hai??
Hai baat me sachchai to ek baat aur suniye..
Modern sabse zada gharibi aur laachari hai..

HAM MAMA BAN K REH GAYE.............

Gaflato ki duniya me ham yu khote reh gaye...
Door hote gaye wo hamse aur ham sote reh gaye...
Aankhein khuli, jab hosh aya, dekha nazara aur tha...
Wo ban chuki thi amma, aur ham mama ban k reh gaye...


Jaan , jaana , jaanu, kya kya ham kehte they unhe...
Ulluo k maafiq jag jag k socha tha unhe...
Socha ye denge, wo denge, aur jaan tak de denge ham...
Par sach kahe to ham , bas khilauna hi dete reh gaye....
Wo ban chuki thi amma,, aur ham mama ban k reh gaye...


Raam jane kya hua, socha tha ham to BOND (007) hai...
Soch kar ham khush hue k unke dil k chaand hai...
Roz uthte they, nahate they, savarte they ham unke vaaste...
Maa kasam, patloon they, ab pajama ban k reh gaye....
Wo ban chuki thi amma, aur ham mama ban k reh gaye...


Dil ne chaha jaan le le, hamne bola chor yaar...
Dil to hai naadan, lekin ham hai bhaiya samajhdar...
Kya hua jo ham nahi Shahrukh ya Akshay kumar....
Guts hai, kaleja bhi hai, mohabbat to ham failayenge...
Aishwarya na sahi, ham katrina to le k ayenge...
Wo banegi amma aur ham papa kahe jayenge...
Aise he socho se, khyali pulaao se pak k reh gaye...
Wo ban chuki thi amma, ham maam ban k reh gaye...